Woh

Wo samne tha mere aur main kuchh kah na paya
Jab bhi usse dekhna chaha wo door najar aaya
Mere dil se lekin wo door jata nahi
Jane ussne aisi kya pehchan hai banaya

Kuchh derr ruk jane ki wajah dhundta hoon
Tujhpe mere pyar kaa asar dhundta hoon
Tu najar nahi aata mujhe phir bhi
Tujhe har shakl mein har pal dhundta hoon

Pyar hai agar tujhe mujhse to ek baar aaja
Kahin se to apni ummeed dikha jaa
Naa jane kab iss jindgi ki sham ho jaye
Isse pahle tu ban ke meri jeevan ki subah aaja

Log dekhte hain sabhi meri teraf aise
Koi samay ki ghadi ruki ho jaise
Tu muskurata hai meri palko mein yu
Oss ki bundo mein gulab khila ho jaise