Ye tujhko bhi maloom aur mujhko bhi khabar hai
tere dil mein mera nahi kisi aur ka basar hai
socha tha jee lenge tujhe yaad karte karte lekin
do din ka nahi ye bahut lamba safar hai
-Shail

Dil ne keha...mere zakhmon ka hisab to kiye ja
maine keha...ae pagal...dard mein khushi khoj aur jiye ja

Khush tha main apne ek chhote se ashiyaane mein "Shail"
nikal baahar jo dekha to har teraf udasiyon ka manjar hai

Ab to khayalon mein bhi koi chehra acha nahi lagta "Shail"
usko jab bhi sochta hu sab tasveerein be-rang ho jati hain

Apni dastan bhi ek uljhi paheli see hai ae dost
na tu mujhe jaan saka na main tujhe suljha paya
-Shail

Baat na karne ke bahaane kyun bnaate ho Shail
Sirf itna kah do ki tumhe mera sath achcha nahi lagta

Sochta hu kya wejah hai teri mujhse door jane ki
kabhi bhi tune koshish na ki mere paas aane ki

Main ek pagal tha shayad jo bhatkata reha
kya qdar thi teri galiyon mein is deewane ki

Sochte hain ki main unhe bhul jaaunga
unke aisa karne se door chala jaunga

Wo sath nahi dete hain to kya hua
unke khayalon se kaise mehroom reh paunga

Jab main dooba to usey fursat na thi sahare ke liye Shail
chal diya ye kehkar ki kal milo to sochenge shayad

Humse ruthna hai to kuchh bol kar jaao Shail
Yun be wejah satana achcha nahi lagta

Door rehkar yun khamoshi se na dekho mujhe
Koi tumhare intezar mein khafa hua baitha hai

Khuda ne diya hai husn to sambhal kar rakho
Ki mujhme ek shaitan chhupa hua baitha hai

Ye zindgi bhi deewaron k jaisi hoti hai shayad Shail
har saal naya rang chadta hai aur utar jata hai

Bahut door tak jayega teri yaadon ka carvan Shail
Kash koi lutera mil jaye to kuchh sakun mile

Jane kyun tujhe yakin ho gya meri bewafai ka Shail
Kash tune ek baar keha hota ki ye jhuth hai

Waqt ki nazaqat ko samjho ae shayar dil walon
yun aadhi raat ko uthkar shayari likha nahi karte

Khamosh raaton ka bas yahi hai afsana
mera yaad karna aur unka bhool jana

Dooriyon se bhi pyar hai, faaslon se mohabbat
doob gya hai unmein iss kadar ye dil deewana

Nafrat mein ho ya pyar mein...jung to jung hee hoti hai
iss haar jeet ke chakkar mein badnaam mohabbat hoti hai

Subah bhi waise hee rukh pe lipti huyi zulfein thi
raat chaand kuchh aise hee baadalon se khel reha tha

Alfazo mein wo baat kehan ki byaan kar sakein
phir bta kar apni chahat ki tauheen kyun karein

Nawazish ki jarurat nahi koi unko btlaaye jaakar
unke khush hone mein meri khudgarzi shamil hai